ام المليونير حكايات اسما السيد 2
الست الكبيرة نزلت السلم.
لوحدها.
كانت ماسكة الدرابزين بإيد…
وعصاية بإيد.
ابنها كان وراها.
— بالراحة يا ماما.
قالت:
— أنا مش مكسورة.
— عارف.
— ولا مجنونة.
سكت.
وقفت على آخر درجة.
بصت ناحية السفرة.
مرات ابنها كانت قاعدة هناك.
لما شافتها…
وشها اتغير.
الست الكبيرة مشيت ناحية كرسيها القديم.
نفس الكرسي اللي كانت بتقعد عليه أيام جوزها.
مدت إيدها.
وسحبته.
وقعدت.
الطباخة كانت واقفة عند باب المطبخ.
عينيها دمعت.
الست الكبيرة بصتلها.
وقالت:
— الأكل جاهز؟
الطباخة ابتسمت.
— جاهز.
مرات الابن قالت:
— الدكتور قال…
ابنها قاطعها:
— ماما هتاكل معانا.
بصت له.
— إنت متأكد؟
— أيوه.
— بعد اللي حصل امبارح؟
— علشان اللي حصل امبارح.
الطباخة حطت الأطباق.
وقبل ما تحط طبق الست الكبيرة…
قال الابن:
— استني.
وقفت.
مراته بصت له.
هو أخد طبق أمه.
وداق منه معلقة.
الكل اتصدم.
قالت مراته:
— إنت بتعمل إيه؟
بص لها.
— بطمن.
— على إيه؟
ما ردش.
رجع الطبق قدام أمه.
وقال:
— كلي يا ماما.
الست الكبيرة بصت لابنها.
وعينيها اتمَلوا دموع.
خدت أول لقمة.
وبعدين التانية.
وبعدين قالت:
— أبوك كان بيحب الأكلة دي.
الابن ابتسم بحزن.
— فاكر.
— لأ… إنت كنت دايمًا مشغول.
الكلمة وجعته.
نزل عينه.
قالت:
— زي ما إنت مشغول دلوقتي.
— حقك عليا.
رفعت المعلقة.
وقالت:
— أنا مش عايزة حق.
بص لها.
— أمال عايزة إيه؟
— عايزة ابني.
مراته قامت فجأة.
— أنا شبعت.
الست الكبيرة قالت من غير ما تبصلها:
— وإحنا لسه ما بدأناش.
وقفت مرات الابن.
بصت لحماتها.
وقالت:
— واضح إن حضرتك بقيتي أحسن.
ردت الست الكبيرة:
— من ساعة ما بطلت آخد الدوا اللي إنتِ بتديهولي… فعلًا بقيت أحسن.
الصمت ضرب السفرة.
ابنها لف ناحية مراته.
— دوا إيه؟
قالت بسرعة:
— الفيتامينات والمهدئ اللي الدكتور كاتبه.
الست الكبيرة قالت:
— أنهي دكتور؟
— ماما…
— اسمه إيه؟
مرات الابن سكتت.
الست الكبيرة كررت:
— اسم الدكتور إيه؟
ابنها بص لمراته.
— جاوبيها.
قالت:
— الدكتور شريف.
الأم ابتسمت.
— شريف مين؟
— الدكتور اللي…
— أنا عمري ما شفت دكتور اسمه شريف.
مرات الابن بدأت تتوتر.
— التقرير موجود.
قال الابن:
— هكلمه.
رفعت عينيها له.
— إيه؟
— الدكتور.
— ليه؟
— عايز أفهم منه حالة ماما.
— أنا أشرحلك.