رحت اطمن علي بنتي اسما السيد 2
والناس متجمعة في الشارع.
لكن وسط الزحمة…
لفت نظري راجل واقف بعيد.
لابس كاب ونضارة سودة.
أول ما عيوننا اتقابلت…
لف وشه بسرعة…
وركب عربية سودا كانت مستنياه.
صرخت:
— هو ده!
الضابط جري ناحية العربية.
لكنها انطلقت بأقصى سرعة.
اختفت خلال ثواني.
رجعنا القسم.
جوز أم بنتي كان ساكت لأول مرة.
الضابط حط قدامه صور الأدلة.
وقال:
— اعترف.
ابتسم ابتسامة غريبة.
وقال:
— حتى لو اعترفت…
مش هتعرفوا توصلوله.
الضابط سأله:
— لمين؟
قال وهو بيضحك:
— للرجل اللي فوق الكل.
ثم سكت.
بعد دقائق…
دخل العسكري وهو بيجري.
وقال:
— يا فندم…
المتهم وقع على الأرض.
الدكتور كشف عليه بسرعة.
وبص للضابط.
وقال بصدمة:
— مات…
كل الموجودين اتجمدوا.
لكن الطبيب كمل:
— غالبًا ابتلع كبسولة سامة كانت مخبيها في ضرس صناعي.
اختار يموت…
قبل ما ينطق باسم الشخص الحقيقي.
لكن قبل ما يشيلوا متعلقاته…
لقوا في جيبه ورقة صغيرة مطوية.
فتحها الضابط.
وكان مكتوب فيها بخط واحد:
“ابدأوا بالأب… لأنه الوحيد اللي هيعرف يوصل للحقيقة.”
رفع الضابط عينه ناحيتي.
وقال بهدوء:
— واضح إن الحكاية لسه في أولها…
وإن الشخص اللي بيدير كل ده…
لسه حر.
يتبع…
الفصل الخامس: الرجل الذي مات… قبل أن يتكلم
القسم كله اتقلب.
الأطباء حاولوا ينعشوه…
لكن بعد دقائق أعلنوا وفاته رسميًا.
وقف الضابط قدام الج\ثة.
وبصلي وقال:
— الراجل ده كان مستعد يموت… بس ما ينطقش باسم اللي فوقه.
رديت بهدوء:
— يبقى اللي فوقه أخطر منه بمراحل.
بنتي كانت قاعدة في أوضة تانية.
الدكتورة خلصت الكشف عليها.
وأكدت إنها كانت محرومة من الأكل بشكل متعمد.
وفي جسمها آثار اعتداءات متكررة.
ولما دخلت عليها…
ابتسمت رغم وجعها.
وقالت:
— بابايا…
أنا افتكرت إني هموت من غير ما أشوفك.
حضنتها.
ولأول مرة من سنين…
بكيت.
مش علشان ضعفت…
لكن علشان كنت على بعد ساعات من خسارتها.
في الوقت ده…
اتقبض على أمها.
كانت منهارة.
وقالت للضابط:
— أنا مستعدة أحكي كل حاجة.
قعدت قدامه.
وأول سؤال سأله:
— إمتى بدأ كل ده؟
نزلت دموعها.
وقالت:
— من حوالي سنة.
لما اتعرفت على فؤاد.
في الأول كان راجل محترم.
بيصرف ببذخ.
ويحقق كل اللي بطلبه.
وبعدين…
بدأ يقنعني إن بنتي معاها ميراث كبير.
