اجازه عائليه اسما السيد 2
لكن ده مش كل حاجة…
في حاجة حصلت…
لو عرفتيها…
هتفهمي ليه كانوا مصرين يبعدوكي عن كل سفرة وكل تجمع عائلي.
ابتلعت ريقي.
وسألتها:
— إيه هي؟
نزلت عينيها على فنجان القهوة…
وقالت الجملة اللي قلبت كل حاجة:
— لأن في كل رحلة…
كانوا بيقابلوا بنت تانية…
وكانت حماتك مقدماها للناس على إنها الزوجة اللي نفسها تشوفها مع ابنها.
يتبع…
الفصل السابع
الكلمة نزلت على ودني كأنها صاعقة.
فضلت أبصلها ثواني…
مستنية تقول إنها بتهزر.
لكن وشها كان جاد.
قلت بصوت مخنوق:
— إنتِ بتقولي إيه؟
هزت راسها بأسف.
— الحقيقة.
حسيت قلبي بيدق بعنف.
— بنت مين؟
تنهدت وقالت:
— بنت أخت حماتك.
البنت اللي كانت طول عمرها نفسها تتجوزه.
واللي حماتك كانت بتقول عنها قدام الناس: “دي اللي تستاهل تبقى مرات ابني.”
اتجمدت مكاني.
وفجأة…
افتكرت حاجات كتير.
كل مرة كانوا يرجعوا من السفر…
وألاقي على هدومه ريحة برفان ستات غير اللي أعرفها.
كل مرة يرفض يتصور معايا بعدها بأيام.
كل مرة أطلب أشوف صور الرحلة…
يقولي:
— الصور كلها مع أخويا.
مكنتش بخونه في تفكيري…
كنت بكذب إحساسي.
…
قلت لها:
— وهو…
كان عارف؟
سكتت شوية.
وقالت:
— في الأول… لا.
حماتك كانت بتقدمها للناس على إنها “قريبة العيلة”.
لكن بعد كده…
البنت نفسها بدأت تتعامل معاه بطريقة مختلفة.
قلت بسرعة:
— حصل بينهم حاجة؟
هزت راسها بقوة.
— والله على حد علمي… لأ.
كان بيبعد عنها.
بس كان سايب أمه تعمل اللي هي عايزاه.
وده كان كفاية يخلي الناس كلها تفتكر إن الجواز مسألة وقت.
…
طلعت موبايلها.
وقالت:
— أنا فضلت محتفظة بالحاجات دي من سنتين.
فتحت ألبوم صور.
وأول صورة ظهرت…
كانت كافية تكسر آخر جزء جوايا.
هو…
واقف على البحر.
وأمه واقفة جنبه.
والبنت دي واقفة في النص.
وأمه حاطة إيدها على كتف البنت…
والتانيه على كتف ابنها.
وكأنها بتتصور مع عروسين.
قلبي وجعني…
مش بسبب الصورة.
لكن بسبب إن محدش في الصورة…
حس إن فيه زوجة غايبة.
قلبت الصورة اللي بعدها.
كلهم قاعدين على سفرة كبيرة.
والبنت قاعدة جنبه مباشرة.
وفي صورة تالتة…
البنت ماسكة بنت أخته الصغيرة.
والطفلة بتقول:
— دي مرات عمو؟
حد من الموجودين كان كاتب تحت الصورة:
“إن شاء الله قريب.”
