رحت اطمن علي بنتي اسما السيد 3
شوفت شخص لابس بدلة سودا…
ولابس الخاتم الفضي.
وقف للحظة…
وبص ناحيتي.
ثم ابتسم…
واختفى في ممر سري خلف المخزن.
عرفت وقتها…
إني أخيرًا بقيت على بعد خطوات…
من الرجل اللي قلب حياتنا كلها.
يتبع…
الفصل التاسع: وجه في الدخان
جريت وسط النار…
والدخان كان مالي المكان.
كل اللي كنت سامعه…
صوت بنتي وهي بتصرخ:
— بابايا… متقربش!
لكن خلاص…
ماكانش فيه حاجة تقدر توقفني.
واحد من الضباط شدني من دراعي.
وقال:
— السقف هيقع!
زقيته بعيد.
وقلت:
— بنتي هناك!
دخلت المخزن.
النار كانت ماسكة في الصناديق الخشبية.
والدخان مخلي الرؤية شبه مستحيلة.
وفجأة…
سمعت كحة.
لفيت بسرعة.
لقيت بنتي مستخبية تحت لوح حديد كبير وقع بعد الانفجار.
رفعت اللوح بكل قوتي.
وساعدتها تخرج.
حضنتني وهي بتنهج.
وقالت:
— كنت عارفة إنك هتيجي.
مسكت وشها بإيديا.
قلت:
— انتي كويسة؟
هزت رأسها.
وقالت:
— الحقه…
لسه ما بعدش.
بصيت ناحية الممر السري.
كان مفتوح.
من غير ما أتردد…
جريت.
الممر كان طويل…
وتحته مواسير قديمة.
وفي آخره…
باب حديد.
فتحته.
خرجت لساحة خلفية.
لكن المكان كان فاضي.
ما عدا عربية سوداء…
بتتحرك بسرعة.
ركبت عربية الشرطة اللي كانت واقفة.
والضابط ركب جنبي.
بدأت مطاردة استمرت أكتر من ربع ساعة.
العربية السودا كانت بتحاول تدخل طرق جانبية ضيقة.
وفجأة…
واحد من الإطارات انفجر.
العربية فقدت السيطرة.
وخبطت في سور قديم.
وقفنا بسرعة.
ونزلنا بالس\لاح.
فتحنا باب السواق…
لقيناه فاضي.
أما الباب الخلفي…
كان فيه راجل مصاب في كتفه.
لكن…
ماكانش “الحاج”.
الراجل اتقبض عليه.
وفي التحقيق…
رفض يتكلم.
الضابط حط قدامه صورة جوز أم بنتي.
وصورة المحامي.
وصورة الخاتم.
الراجل ضحك.
وقال:
— أنتم فاكرين إنكم قربتوا؟
الحاج بيغير رجاله كل شوية.
ولو واحد وقع…
غيره بيكمل.
سأله الضابط:
— يبقى مين الحاج؟
ابتسم.
وقال:
— يمكن تكونوا قابلتوه…
يمكن سلمتوا عليه…
يمكن حتى شربتوا معاه قهوة.
ثم سكت تمامًا.
وأثناء فحص العربية…
اكتشف خبير الأدلة حقيبة مخفية تحت الأرضية.
فتحها.
كانت مليانة مستندات أصلية…
عقود ملكية…
وشهادات ميلاد…
وأوراق تخص عشرات الأسر.
لكن كان فيه ملف مختلف.
عليه اسم بنتي.
فتحت الملف بإيدي المرتعشة.
