عزومة خطوبتنا حكـايـات روماني ×1

ولا كأنه شايف اللي بيحصل.

صرخت فيه:

“إنت ساكت ليه؟! مش إنت اللي عزمت الناس؟ مش إنت اللي حجزت ورتبت كل حاجة؟! إزاي تسمح لأهلي يتحطوا في الموقف ده؟!”

#الكاتب_رومانى_مكرم

وقبل ما يرد، قاطعتني الحاجة فريدة بصوت عالي وقالت:

“وطي صوتك وإنتِى بتتكلمي في بيتي! ابني ما غلطش. ابني حب يفرحكم ويعزمكم في مكان عمركم ما دخلتوه. وكان المفروض أهلك يفهموا الواجب من غير ما حد يقولهم. لكن الظاهر إن أهلك…”

وسكتت فجأة…

كملت الحاجة فريدة كلامها وهي بتبصلي من فوق لتحت بنظرة كلها تعالٍ وقالت:

“لكن الظاهر إن أهلك ما صدقوا قعدوا في مكان نظيف، وناسيين إن الأصول بتقول إن والد العروسة هو اللي بيكرم أهل العريس في أول مقابلة رسمية، حتى لو ابني هو اللي حاجز! إحنا رحنا مجاملة ليكم.”

الكلام نزل عليا زي الصاعقة. بصيت لتامر وأنا مش مصدقة، كنت مستنية منه يزعق، يرفض الإهانة دي لأهلي، أو على الأقل يقول لأمه إن كلامها غلط وإن هو اللي كان واعدني إنه عازم الكل. لكن تامر حط إيده في جيبه، وبص للأرض وقال بنبرة هادية ومستفزة:

“خلاص يا هبة.. أمي بتتكلم صح، إنتِ مكبرة الموضوع ليه؟ ما هي الفلوس كلها رايحة لبعضها، وأبوكي الحمد لله مقدرته كويسة، وإحنا لسه بنقول يا هادي في أول الجواز، يعني مفيش فرق بيني وبين حمايا.”

في اللحظة دي حسيت إن الدنيا بتلف بيا. الغض,,ب عما عيني، وما بقتش قادرة أستوعب كمية البجاحة والندالة اللي شفتها منهم في دقيقة واحدة. تامر اللي كنت شيفاه السند والراجل اللي هكمل معاه حياتي، طلع مجرد شخص اتكالي، بيهرب من المسؤولية ويسيب أهلي يشيلوا تمن فشرته ومنظرته الكدابة أمام الناس.

زعقت بأعلى صوتي وتفلت من كل قيود الأدب اللي كنت بحاول ألتزم بيها:

“مفيش فرق؟! يعني إنت تعزم الناس وتتمنظر بيهم في مطعم فخم في التجمع، وفي الآخر تهرب زي العيال الصغيرة وتدبس أبويا في خمسين ألف جنيه وتقولي مفيش فرق؟! دي مش أصول، دي اسمها قلة أصل وس,,رقة بالبلدي كده!”

والدة تامر وشها احمر وصوتها علي جدًا وقالت:

“لحد هنا وتلزمي حدودك! إنتِ نسيتي نفسك وإنتِ واقفة في بيتي وبتقولي على ابني إيه؟ ابني سيد الرجالة، وألف من تتمنى نظرة منه. لو مش عاجباكم عيشتنا وطريقتنا، الباب يفوت جمل، وبنات الأصول والناس اللي بتفهم في الواجب كتير!”

تامر اتدخل بسرعة، بس مش عشان يهديني أو ينصفني، بل عشان ينهي الحوار بالطريقة اللي تريحه وتريح أمه:

“هبة، اطلعي بره دلوقتي. إنتِ جاية البيت عندي وبتغلطي فيا وفي أمي؟ اطلعي ولما تهدي وتعرفي غلطك وغلط أهلك ابقي كلميني، وتمن العشا ده هبقى أخصمهملك من مؤخر الصداق بتاعك عشان تعرفي إننا مش محتاجين فلوسكم!”

الكلمة دي كانت الرصاصة اللينهت كل حاجة جوايا ناحية تامر. بصيتله بنظرة قرف واحتقار عمري ما بصيتها لبشر قبل كده. لفيت ضهري وخرجت من الشقة وأنا برزع الباب ورايا بكل قوتي، ودموعي نازلة من كتر القهر والظل,,م، بس في نفس الوقت كان في جوايا قرار حاسم اتولد في اللحظة دي.

ركبت عربيتي وأنا برعش، وأول حاجة عملتها إني كلمت بابا. لما رد عليا، حاولت أجمع صوتي وقلتله:

“بابا.. أنا عايزة حضرتك وأعمامي في البيت فورًا، الموضوع مبقاش مجرد فاتورة عشا.. الموضوع كرامتنا كلنا.”

وصلت البيت ولقيت بابا وماما وأعمامي قاعدين مستنييني، والوجوم مالي الوشوش. قعدت وحكيتلهم كل كلمة دارت في بيت الحاجة فريدة، وكل حرف قاله تامر وأمه وعينهم مكسورة من الإحراج بسببي، لكن مع كل كلمة كنت بقولها، كنت بشوف ملامح بابا بتتحول من الحزن للغض,,ب الشديد.

عمي الكبير خبط بإيده على التربيزة وقال:

“الناس دي لا تعرف أصول ولا تعرف دين، دول كانوا ناويين يستغلونا من أولها، والحمد لله إن قناعهم سقط في أول المحطة وقبل ما نكتب الكتاب.”

بابا بصلي وعينه فيها دموع محبوسة وقال:

“يا بنتي، الخمسين ألف جنيه غاروا داهية، فدا رجلك، أنا كنت خايف عليكي وعلى مشاعرك، لكن بعد اللي سمعته ده، تامر ده مش هيلمس ضفرك، والشبكة اللي جابها هترجعله لحد عنده، بس بالطريقة اللي تليق بقيمتنا وإهانتهم لينا.”

في نفس اللحظة دي، تليفون بابا رن.. وكان المتصل هو والد تامر، الحاج جلال، اللي مظهرش في الصورة خالص من وقت العزومة. بابا فتح الأسبيركر وشاورلنا نسكت تمامًا..