جوزي الطيار حكايات اسما السيد 2
الفصل الثالث
فتحت الملف…
لكن قبل ما يشتغل…
طلب كلمة مرور.
قعدت أبص للشاشة.
أربع خانات.
أول رقم جه في بالي…
تاريخ جوازنا.
رفض.
تاريخ ميلاده.
رفض.
تاريخ أول يوم اتقابلنا.
رفض.
قفلت اللابتوب بعصبية.
واضح إنه مش سايب أي حاجة للصدفة.
لكن قبل ما أقوم…
وصل إشعار جديد على الموبايل.
الرقم المجهول.
“دوري في جيب الجاكيت الكحلي.”
بصيت ناحية أوضة النوم.
كريم كان نايم.
دخلت بهدوء.
الجاكيت الكحلي كان معلق على الشماعة.
مديت إيدي في الجيب الداخلي.
طلعت ورقة صغيرة مطوية.
فتحتها.
أربع أرقام.
٢٧١١.
رجعت بسرعة.
كتبت الأرقام.
الملف اتفتح.
ظهر كريم قدام الكاميرا.
وشه كان مرهق.
ودقنه طويلة كأنه ما نامش من أيام.
بص مباشرة للكاميرا وقال:
“لو إنتِ يا مريم اللي بتشوفي الفيديو ده…
فمعنى كده إن كل حاجة خرجت عن السيطرة.”
اتجمدت مكاني.
“أنا عارف إنك هتكرهيني.
وعارف إن اللي عملته مالوش أي تبرير.
لكن قبل ما تحكمي عليا…
اسمعي للنهاية.”
خد نفس طويل.
“ندى رجعت حياتي من حوالي تلات شهور.
مش لأنها بتحبني…
لكن لأنها كانت بتهرب.”
ظهرت صورة على الشاشة.
ندى قاعدة في كافيه.
وشها مليان كدمات خفيفة.
“قالتلي إن جوزها السابق داخل مع ناس بيغسلوا فلوس.
وإنها اكتشفت مستندات ضدهم.
ومن يومها وهي مهددة.”
ظهر فيديو تاني.
راجل ضخم بيزعق في ندى.
وصوته واضح.
“لو الورق ما رجعش…
إنتِ هتدفعي الثمن.”
رجع كريم يظهر.
“أنا ما صدقتهاش في الأول.
لكن بعدها حصل اللي خلاني أتأكد.”
فتح ملف.
كان عبارة عن صور لعربية متكسرة.
ولونها مألوف.
عربيتي.
ظهر تاريخ الصورة.
قبل شهر.
اتسعت عيني.
افتكرت اليوم ده.
افتكرت إني افتكرت مجرد حادثة بسيطة في الجراج.
لكن واضح إنها ما كانتش صدفة.
كريم كمل.
“الفرامل كانت متقطعة عمدًا.
وكان المفروض إنتِ اللي تركبي العربية.”
شهقت من غير ما أحس.
هو كان عارف…
وما قالليش.
“من اليوم ده…
بدأت أمثل إني قريب من ندى.
علشان أعرف هما عايزين إيه.”
حسيت إن كل كلمة بتقلب اللي كنت مصدقاه.
لكن لسه فيه سؤال واحد.
الفلوس.
كريم سبقني بالإجابة.
“الـ٤٥٠ ألف جنيه…
مش سلفة.”
فتح صورة إيصال تحويل.
المبلغ فعلًا خرج من حسابنا.
لكن باسم شركة مش باسم ندى.
“الفلوس كانت فدية.
علشان نجيب نسخة من ملفات كانوا سرقوها.”
