قبل الصوره العائليه حكايات اسما السيد 3
الفصل السادس
فضلت ماسكة الفلاشة بإيدي…
كأنها قطعة نار.
أول سؤال جه في دماغي كان:
لو هو فعلاً مجرم… ليه يسيب دليل يدينه؟
ركبت العربية على طول.
ورحت لقسم الشرطة.
الضابط أول ما شاف الظرف…
وقف من مكانه.
— فتحتيه؟
هزيت رأسي.
— لا… مستنيين قسم الأدلة الرقمية.
بعد أقل من ساعة…
كانوا وصلوا الفلاشة بجهاز معزول.
الملفات بدأت تظهر واحد ورا التاني.
مجلدات…
تسجيلات…
وصور.
وفجأة…
ظهر فيديو.
شغلناه.
كان جوزي قاعد في مكان شكله مخزن قديم.
وشه كان مرهق…
وعينيه مليانة خوف.
بص للكاميرا وقال:
— لو الفيديو ده بيتشاف… يبقى يا إما أنا هربان… يا إما حصل لي حاجة.
أنا عارف إنكم هتكرهوني…
ومن حقكم.
بس لازم الحقيقة تتقال.
سكت لحظة…
وبعدين كمل:
— أول قرض اتزور باسم واحدة… أنا اللي خلصت إجراءاته.
كنت فاكر إنها مرة وهتعدي.
كانوا مديني فلوس كتير.
ولما حاولت أرجع…
هددوني.
حسيت بقبضة في قلبي.
الضابط وقف الفيديو.
وقال:
— كملوا.
رجع التشغيل.
جوزي قال:
— رئيس الشبكة عمره ما ظهر باسمه الحقيقي.
كل الناس بتناديه…
“الحاج”.
وكل العقود…
كانت بتتخزن في مخزن واحد.
وقال عنوان بالتفصيل.
الضابط قام فورًا.
بدأ يتكلم في اللاسلكي.
خلال دقائق…
خرجت قوة كاملة.
وقبل ما يمشي…
بصلي.
— لو المعلومات دي صحيحة…
القض\ية كلها هتتغير.
…
عدت ساعات طويلة.
وأنا قاعدة مستنية.
كل دقيقة كانت أطول من اللي قبلها.
وفجأة…
باب المكتب اتفتح.
دخل الضابط.
وعلى وشه علامات اندهاش.
قلت بسرعة:
— خير؟
قال:
— المخزن كان موجود فعلًا.
قلبي دق بعنف.
— لقينا آلاف المستندات.
وأجهزة كمبيوتر.
وخزنة مليانة عقود.
لكن…
توقفت أنفاسي.
— لكن إيه؟
قال وهو بيقلب في ملف قدامه:
— المكان كان متساب من ساعات.
واضح إن حد بلغهم قبل ما نوصل.
رجعت أسند ضهري على الكرسي.
يعني…
لسه فيه حد بيراقب كل حركة.
…
بعد يومين…
انتشر الخبر في كل المواقع الإخبارية.
“ضبط مستندات خاصة بشبكة تزوير قروض.”
ناس كتير بدأت تتقدم ببلاغات.
ضحايا جداد ظهروا كل يوم.
وفي وسط الزحمة دي…
وصلني استدعاء للمحكمة.
جلسة الطلاق.
ولأول مرة…
قررت أروح وأنا رافعة راسي.
لبست بدلة بسيطة.
ودخلت المحكمة مع أبويا.
كان جوزي موجود.
وشكله اتغير تمامًا.